FLEX minnetdarlyk güni 2022, 7-nji oktýabrda Türkmenistanyň dört welaýatynda bellenildi. Bu çärä dürli ýyllardan we welaýatlardan umumy 35 uçurym gatnaşdy, olar FLEX maksatnamasynyň we Amerikanyň kabul edýän jemgyýetiniň Minnetdarlyk gününi bellemek üçin uçurymlar ACCELS (Aşgabat), Türkmenabat Amerikan burçy, Mary Amerikan burçy we Daşoguz Amerikan burçuna ýygnandylar. Paýtagtda geçirilen dabara ABŞ-nyň Türkmenistandaky ilçisi Metýu Klimowyň we Amerikan Geňeşlikleriniň Müdiri Kerri Milleriň açylyş sözlerinden başlap, bingo, ownuk oýun oýnamak, ýörite döredilen FLEX uçurymlarynyň minnetdarlyk çarçuwasy bilen surata düşmek we FLEX minnetdarlyk kartlaryny doldurmaklyk bilen dowam etdi. Mundan başga-da, uçurymlara iýmit, içgiler we FLEX maksatnamasynyň logosy bilen bezelen tort hödürlendi. Maksatnama minnetdarlyk bildirmekden başga-da, uçurymlar biri-biri bilen iş we şahsy durmuşlary barada gürleşip hasam ýakynlaşdylar. FLEX maksatnamasynyň uçurymy bolmak bu bir maşgala ýaly birek-birek bilen gyzgyn duýgulary paýlaşmak. FLEX uçurymlarynyň aýdyşy ýaly “Bir gezek FLEX hemişelik FLEX”!
Category Archives: News
Türkmenistanda “Duýgy dünýäsini ösdürmek” boýunça seminar
7-nji sentýabrdan 10-njy sentýabr aralygynda Türkmenistandaky FLEX uçurymlarynyň koordinatory Yelena Gareýewa’08, Türkmenabat Amerikan burçunda 13 gatnaşyjy bilen “Duýgy intellekti” atly seminary gurnady. Seminar, guramaçynyň “FLEX-başarnygy” seminarynda alan teoretiki we amaly maşklaryny öz içine aldy. Mowzuklar esasan hem işjeň hereket etmek, pikirlenmek we gürlemek, şeýle hem öz-özüňi tanamak düşünjesi, pikir ýalňyşlyklary, ünsli diňlemek we gatnaşmak, stres dolandyrylyşy, gorky, alada we howsala düşmek hüjümlerini tapawutlandyrmakdan ybaratdy.
Continue reading Türkmenistanda “Duýgy dünýäsini ösdürmek” boýunça seminar
FLEX bäsleşigi 2025-2026 barada maglumat
2025-2026 okuw ýyly üçin FLEX maksatnamasynyň bäsleşigi
Türkmenistanyň Bilim ministrligi we Amerikanyň Birleşen Ştatlarynyň Türkmenistandaky Ilçihanasy ABŞ-nyň hökümeti tarapyndan maliýeleşdirilýän ýokary synp mekdep okuwçylary üçin «FLEX» maksatnamasynyň 2025-2026-njy okuw ýyly üçin 2024-2025-nji ýylda geçiriljek bäsleşiginiň rejesi barada habar berýär. Bäsleşigiň ýeňijilerine maksatanama kabul edýän amerikan maşgalalarynda ýaşamaga we Amerikanyň orta mekdeplerinde okamaga talyp hakyny berýär, bu bolsa ABŞ-nyň we Türkmen halkynyň özara düşünişmekligini ösdürmäge ýardam eder. «FLEX» maksatnamasynyň talyp haky gitmek-gelmek we ABŞ-da ýaşamak bilen bagly bolan ähli maksatnama dolulygyna öz üstüne alýar. Fiziki mümkinçiligi çäklendirilen okuwçylar hem hökmany ýagdaýda bäsleşige gatnaşmaga çagyrylýar.
«FLEX» maksatnamasynyň bäsleşigi aşakdaky talaplara laýyk gelýän ähli ýokary synp mekdep okuwçylary üçin açykdyr:
• 2007-nji ýylyň mart aýynyň 15-den 2009-njy ýylyň maý aýynyň 31-i aralygynda doglan okuwçylar gatnaşyp bilýärler; ýöne soňky synpda okaýan, harby gulluga gitmeli okuwçylar maksatnama gatnaşyp bilmeýärler;
• Häzirki wagtda orta mekdepde okaýan we mekdepdäki ýetişigi gowy bolan;
• Iňlis dilini öňden öwrenip gelýän we iňlis dili bilimini hasaba alyş döwründe görkezen;
• Soňky bäş ýylyň içinde ABŞ-da üç aýdan köp ýaşamadyk;
• ABŞ-nyň wizasyny almak üçin talaplara laýyk gelýan;
• Türkmenistanyň raýaty bolan okuwçylar.
Bäsleşige gatnaşmaga isleg bildiren okuwçylar ýany bilen hőkmany ýagdaýda dogluş hakyndaky şahadatanamasynyň asyl nusgasyny ýa-da pasportyny, ýakynda düşülen 3×4 ölçegli bir fotosurat, ruçka we synaglara hökman mekdep lybasynda gelmeli.
Synaglaryň rejesi
Bäsleşigiň geçirilýän ýeri | Güni | Wagty | Mekdebi |
Türkmenbaşy, Balkan welaýaty | 13-nji oktýabr, 2024 | 09:00 | Mekdep № 10, Türkmenbaşy ş. |
Daşoguz, Daşoguz welaýaty | 20-nji oktýabr, 2024 | 09:00 | Mekdep № 2, Daşoguz ş. |
Mary, Mary welaýaty | 27-nji oktýabr, 2024 | 09:00 | Mekdep № 19, Mary ş. |
Balkanabat, Balkan welaýaty | 3- nji noýabr, 2024 | 09:00 | Mekdep № 3,Balkanabat ş. |
Türkmenabat, Lebap welaýaty | 10-njy noýabr, 2024 | 09:00 | Mekdep № 2, Türkmenabat ş. |
Aşgabat, Ahal welaýaty | 17-nji noýabr, 2024 | 09:00 | Мekdep № 20, Aşgabat ş. |
*Öz şäherinde «FLEX» maksatnamasyna gatnaşyp bilmedik okuwçylar Aşgabat şäherinde geçiriljek «FLEX» maksatnamasynyň 1-nji tapgyryna gatnaşyp bilerler. Okuwçylar bäsleşigiň 1-nji tapgyryna ýylda bir gezek gatnaşmaklyga rugsat edilýär.
Goşmaça maglumat üçin
Amerikan Geňeşliklerine ýüz tutyp bilersiňiz:
tel. (+99312) 36-90-22; (+99363) 50-20-36
https://americancouncilstm.org/flex/
“FLEX” ABŞ-nyň Döwlet departamentiniň maksatnamasy bolup, ABŞ-nyň hökümeti tarapyndan maliýeleşdirilýär we Halkara bilim boýunça Amerikan Geňeşlikleri tarapyndan geçirilýär.