Iýul aýynyň 7-sine FLEX maksatnamasynyň 14 sany ýaş uçurymlary üçin “Re-entry” çäreleri ABŞ-nyň ilçihanasynyň Maglumat we medeniýet bölüminiň Amerikan merkezinde geçirildi. Täze uçurymlary ABŞ-nyň Türkmenistandaky ilçisi Mettýu S. Klimow, Türkmenistanyň Daşary işler ministrliginiň wekili Mergen Säherow we Bilim ministrliginiň wekili Döwlet Ýazgulyýew garşyladylar. Myhmanlar, täze uçurymlaryň Türkmenistanyň we ABŞ-nyň arasyndaky medeniýet “köprüsi” bolup geljekde hem iki ýurdyň arasyndaky gatnaşyklary berkleşdirjegine ynam bildirdiler.
![](https://americancouncilstm.org/wp-content/uploads/2019/07/1.-re-entry-speech-225x300.jpg)
Soňra FLEX maksatnamasynyň koordinatory, FLEX uçurymlarynyň koordinatory we ýerli wekiller uçurymlara täzeden öz öýüne we durmuşyna uýgunlaşmaga kömek etjek interaktiw okuwlary geçirdiler.
![](https://americancouncilstm.org/wp-content/uploads/2019/07/2.-re-entry-session-300x225.jpg)
Okuwyň dowamynda uçurymlar ýüze çykan soraglaryna soramaga, ABŞ-daky alan tejribelerini paýlaşmaga mümkinçilik aldylar we uçurymlaryň Türkmenistandaky mümkinçilikleri barada gyzyklandylar. Soňunda uçurymlar ABŞ-daky dostlaryna, kabul eden maşgalalaryna “Minnetdarlyk” kartoçkasyny doldurdylar.
![](https://americancouncilstm.org/wp-content/uploads/2019/07/3.-re-entry-group-300x194.jpg)