Türkmenistanyň dürli künjeklerinden FLEX uçurymlarynyň on bäşisi 1-nji iýulda Aşgabatdaky “Arçabil” myhmanhanasynda hünär okuwyna gatnaşdylar. Çäre ABŞ-nyň Türkmenistandaky ilçihanasynyň medeni bölüminiň başlygy Nona Majidiniň açylyş çykyşy bilen başlandy. Soňra çäre Türkmenistandaky Amerikan Geňeşlikleriniň müdiri Kerri Milleriň gutlag sözleri we FLEX Maksatnama Merkeziniň müdiri Diana Muhammedowa’08 çykyşy bilen dowam etdi.
Continue reading Türkmenistana dolanyp gelmek boýunça Seminar
Iýun aýynyň 30-na Türkmenistandaky Amerikan Geňeşlikleri FLEX maksatnamasynyň üstünliklerini we onuň uçurymlara edýän täsirini belläp geçmek üçin maksatnamanyň 30 ýyllygyny bellediler. Iki bölümden ybarat bolan bu çäre halkara derejeli mugallym we tälimçi Saýmon Nortonyň ýolbaşçylygynda “Işiňizi we öňüňizde goýýan gadamlaryňyzy, maksatlaryňyzy, gymmatlyklaryňyzy durmuşda amala aşyrmak ady bilen hünär kämilleşdiriş seminary geçirildi hem-de dabaraly kabul edişlik bilen tamamlandy.
FLEX maksatnamasynyň uçurymlary Ýelena Gareýewa’08 we Ýazjemal Nuryýewa’08 ýaşlaryň mümkinçiliklerini ösdürmäge gönükdirilen uzak möhletli taslamany ýola goýdular. Hünär derejesini ösdürýän seminarlary we özara utgaşmaklygy hödürleýän bu jemgyýetçilik taslamasy türkmen ýaşlarynyň arasynda uly meşhurlyga eýe. Esasy maksatlaryň biri hem bilelikde okamaga, paýlaşmaga we ösmäge ymtylýan hünarmenleriň aýratyn jemgyýetini birikdirmek we ösdürmek. Bu taslama Halkara bilim boýunça Amerikan geňeşlikleri we Türkmenistandaky ABŞ-nyň Ilçihanasy tarapyndan goldanylýar. Sapaklar Amerikan merkezinde geçirilýär we ABŞ-nyň Ilçihanasynyň sanly ulgam sahypalarynda mahabatlandyrylýar.
